လူကြိုက်များတိုင်း ပေါ်ပြူလစ်ဇင် မဟုတ်ပါ။ အမှန်တော့ လူကြိုက်များခြင်း (သို့) လူများစုထောက်ခံခြင်းဆိုသည်မှာ ပေါ်ပြူလစ်ဇင်၏ အပေါ်ယံအလွှာပါးတခုသာဖြစ်ပြီး ထိုအလွှာပါးအောက်တွင် ပေါ်ပြူလစ်ဇင်အား အဓိကမောင်းနှင်နေသည့် တခြားသောဝိသေသလက္ခဏာများစွာရှိနေပါသည်။ ယခု တော်လှန်ရေးကာလ နိုင်ငံရေးခေါင်းဆောင်များသည် လူအုပ်ကြီးအကြိုက်လိုက်၍ ပေါ်ပြူလစ်ဇင်လမ်းကြောင်းပေါ်သာ တစိုက်မက်မက် လျှောက်လှမ်းနေကြသည်ကို စိတ်မချမ်းသာစရာ တွေ့မြင်နေရသည်။