Freedom Fighter Myanmar သည် လွတ်လပ်ခြင်း၊ တရားမျှတခြင်းနှင့် လူသားဆန်ခြင်းတို့ကို ငြိမ်းချမ်းပြီး အပြုသဘောဆောင်သော နည်းလမ်းများဖြင့် မြန်မာနိုင်ငံနှင့် တကမ္ဘာလုံးသို့ ဆောင်ကြဉ်းပေးရန် တိုက်ပွဲဝင်နေသော ပြည်သူများအစုအဖွဲ့ဖြစ်သည်။
ကျွန်ုပ်တို့သည် မြန်မာနိုင်ငံအတွက် ရေရှည်တည်တံ့သောအပြောင်းအလဲများဖြစ်ပေါ်စေရန် လူထုအခြေပြုနည်းလမ်းများက အထိရောက်ဆုံးနှင့် လက်တွေ့အကျဆုံးဖြစ်ကြောင်း ယုံကြည်သည်။
ကျွန်ုပ်တို့နည်းဗျူဟာများသည် အောက်ပါတော်လှန်ရေးပင်မလမ်းစဉ်သုံးရပ်ကို အခြေုပြုသည်။
လူထုတော်လှန်ရေးဆိုင်ရာ အသိပညာမျှဝေခြင်း
လူထုအသိပညာမြင့်မားမှုသည် ကျွန်ုပ်တို့မျှော်မှန်းချက်များပြည့်မီရန်နှင့် ဒီမိုကရေစီနိုင်ငံတော်သစ်တခုတည်ဆောက်ရန် အခရာကျသည်။ ဗျူဟာမြောက်အကြမ်းမဖက်လှုပ်ရှားမှုနှင့် သက်ဆိုင်သော လူထုစကားဝိုင်းများ၊ သင်တန်းများ၊ အလုပ်ရုံဆွေးနွေးပွဲများကို စီစဉ်ပေးသည်။
ပြည်သူပါဝင်မှုတိုးချဲ့ခြင်း
အနာဂတ်နိုင်ငံသစ်ကို ဖန်တီးတည်ဆောက်ရာတွင် ဒီမိုကရေစီနည်းလမ်းကျ လူထုပါဝင်မှုတိုးချဲ့နိုင်ရန်၊ ပြည်သူမှအထက်သို့ထိန်းကျောင်းမှုရင့်သန်စေရန်နှင့် ပြည်သူ့အာဏာကို နားလည်မှုပြန့်ပွားနိုင်ရန် ရေတို၊ ရေရှည် အစီအစဉ်များ ဖန်တီးအကောင်အထည်ဖော်လျက်ရှိသည်။
စည်းရုံးလှုံ့ဆော်ခြင်း
အသိပညာမျှဝေခြင်း၊ အရင်းအမြစ်များတည်ဆောက်ခြင်းနှင့် ချိတ်ဆက်မှုများမှတဆင့် လူမှုအဖွဲ့အစည်းများ၊ နိုင်ငံရေးသမားများ၊stakeholder များနှင့် လူငယ်များကို ပွင့်လင်းပြီး မျှတသော အနာဂတ်လူ့ဘောင်သစ်ဆီသို့ ဦးတည်မျှော်မှန်းနိုင်ရန် စည်းရုံးလျှက်ရှိသည်။
ပူးပေါင်းဆောင်ရွက်ခြင်း
အကြမ်းမဖက်တိုက်ပွဲ၏ အဓိကအစိတ်အပိုင်းတစ်ခုမှာ မတူညီသော အဖွဲ့အစည်းများ၏ ဘုံတန်ဖိုးများ၊ ယုံကြည်ချက်များကိုရှာဖွေပြီး စုစည်းဆောင်ရွက်ခြင်းပင်ဖြစ်သည်။ တော်လှန်ရေးအင်အားစုများ၏ အလွှာအဆင့်ဆင့် ပူးပေါင်းဆောင်ရွက်မှုသည် အလွန်အရေးပါသည်ဟု မှတ်ယူသည်။ မတူညီမှုများကို လွတ်လပ်စွာဖော်ထုတ်ဆွေးနွေးခြင်းဖြင့် ရိုးသားမှုကိုအခြေပြုသော ပူးပေါင်းမှုကိုအားပေးသည်။
