ရဲထက်သည် Freedom Fighter Myanmar အဖွဲ့၏ ဦးစီးတည်ထောင်သူဖြစ်ပြီး လက်ရှိတွင် ဥက္ကဌရာထူး တာဝန်ယူထားသည်။ ရေကြောင်းပညာတက္ကသိုလ်မှ ဘွဲ့ရခဲ့ပြီး ၂၀၂၁ မတိုင်ခင်က ပညာရေး၊​လူငယ်ဖွံ့ဖြိုးရေးနှင့် အကြံပေးလုပ်ငန်းများတွင် ပါဝင်လုပ်ကိုင်ခဲ့သည်။​

၂၀၂၁ FFM အဖွဲ့တည်ထောင်ချိန်မှစ၍ အကြမ်းမဖက်စည်းရုံးရေးမှူးသင်တန်းများ၊ အလုပ်ရုံဆွေးနွေးပွဲများကို ပို့ချခဲ့သည်။ အကြမ်းမဖက်လှုပ်ရှားမှု၊ နိုင်ငံရေးအယူအဆ၊​ လူမှုအဖွဲ့အစည်း ပြုပြင်ပြောင်းလဲရေးဆိုင်ရာ အခန်းကဏ္ဍများကို စိတ်ဝင်စားလေ့လာပြီး နိုင်ငံရေးနှင့် လူမှုယဉ်ကျေးမှုဆိုင်ရာ ဝေဖန်သုံးသပ်စာများကို ရေးသားလျက်ရှိသည်။

၂၀၂၃ တွင် Australia Awards ပညာသင်ဆုဖြင့် Austalian National University တွင် နိုင်ငံရေးသိပ္ပံမဟာဘွဲ့ ကို လေ့လာခဲ့သည်။ Freedom Fighter အဖွဲ့၏ အကြမ်းမဖက်လှုပ်ရှားမှုဆိုင်ရာ သင်တန်းများ ၊​ဒီမိုကရေစီကို နားလည်ခြင်းသင်တန်း ၊ သမိုင်းကိုကုစားခြင်းသင်တန်းများတွင်လည်းကောင်း ၊​ လေးမျက်နှာစကားဝိုင်း၏ ​Host အဖြစ်လည်းကောင်း၊ အလင်းခေတ်မဂ္ဂဇင်း၏ အယ်ဒီတာအဖွဲ့ဝင်အဖြစ်လည်းကောင်း ပါဝင်လုပ်ဆောင်လျက်ရှိသည်။ လက်ရှိတွင် ထိုင်းနိုင်ငံ ချင်းမိုင်မြို့တွင် အခြေစိုက်ကာ အကြမ်းမဖက်လူထုလှုပ်ရှားမှုဆိုင်ရာ သင်တန်း ဆွေးနွေးပွဲများကို ပြုလုပ်လျက်ရှိသည်။