“ ပေါ့ပျက်ပျက်” နိုင်ငံရေးယဉ်ကျေးမှုကို တော်လှန်ကြ
စက်တင်ဘာ 14, 2021
မှတ်ချက်များ မရှိပါ။
ကတိတည်မှု၊ တာဝန်ယူမှုတွေ ပပျောက်နေတဲ့ နိုင်ငံရေးယဉ်ကျေးမှုကို ကန့်ကွက်ကြ
Freedom Fighter Myanmar အဖွဲ့သည် အကြမ်းမဖက်လမ်းစဉ်နှင့် အာဏာရှင်စနစ်ကိုတော်လှန်နေခြင်းဖြစ်သည့်အားလျှော်စွာ အာဏာရှင်စနစ်ဆိုးကိုဆန့်ကျင်လိုသူတိုင်း တော်လှန်သူများဖြစ်လာစေရန်အတွက် အကြမ်းမဖက်အယူအဆများ၊ နည်းနာနိဿယများစွာကို လူထုအကြားဖြန့်ဝေပေးလျှက်ရှိပါသည်။ ယခုလည်းအကြမ်းမဖက်လှုပ်ရှားမှုဆိုင်ရာအယူအဆများ အားကောင်းလာစေရန်အလို့ငှာ ယင်းနှင့်ပတ်သတ်၍ ဝိဝါဒကွဲပြားနေမှုများ၊ ချိတုံချတုံဖြစ်နေမှုများ၊ အဖြေရှာလိုသည်များကို ကောင်းစွာသိရှိနားလည်စေရန်အတွက် သိလိုရာမေးကဏ္ဍကို စတင်ခဲ့ပါသည်။
ကတိတည်မှု၊ တာဝန်ယူမှုတွေ ပပျောက်နေတဲ့ နိုင်ငံရေးယဉ်ကျေးမှုကို ကန့်ကွက်ကြ
ဒီဆောင်းပါးရဲ့ အပိုင်း (၁) မှာတော့ ပြီးခဲ့တဲ့ အကြမ်းမဖက်တော်လှန်ရေးရဲ့ အဓိကလိုအပ်ချက်နှစ်ခုကို သုံးသပ်ခဲ့ပါတယ်။ ဒါပေမယ့် ဒီဆောင်းပါးကတော့ နာမည်ပေးထားတဲ့အတိုင်း အလွဲတွေကိုဦးတည်ပြီးရေးမှာဖြစ်ပါတယ်။
တော်လှန်ရေးကာလအစမှာ လူထုက အကြမ်းမဖက်တော်လှန်ရေးကို ယုံကြည်ခဲ့တယ်။ ပါဝင်မှုအားကောင်းခဲ့တယ်။ ဒါပေမယ့် အဲဒီနောက်ပိုင်းမှာတော့ အကြမ်းမဖက်နည်းလမ်းကို ထောက်ခံသူနည်းလာတယ်။ အကြမ်းမဖက်တော်လှန်ရေး ဘာတွေလိုအပ်ချက်၊ အားနည်းချက်တွေရှိခဲ့သလဲ။
တော်လှန်ရေးဆိုတာက လက်စားချေ၊ သွေးကြွေးဆပ်ဖို့လား။ ပိုပြီးကောင်းတဲ့ အနာဂတ်သစ်တခုကို ဖန်တီးဖို့လား။ ကျွန်တော်တို့အနေနဲ့ စကားလုံးတွေကိုကျော်ပြီး နောက်ခံအယူအဆကို နားလည်ဖို့လိုပါတယ်။ ဆွေးနွေးတဲ့အယူအဆက ဘယ်လိုအန္တရာယ်ရှိတာလဲ။ ဘာကြောင့်ကန့်ကွက်ရတာလဲ။